NissedalKommune

17. mai program for Nissedal kommune

anne.aarak@nissedal.kommune.no (Anne Aarak) — Mon, 14 May 2012 12:15:50 GMT

Program for 17. mai på Fjone

Kl. 12.00: Tog frå Fjone skule til Fjone Landhandel
Kl. 13.00: Samling på Fjone skule med allsong og tale for dagen,
underhaldning av skuleelevar, matøkt - loddsal, grendestafett - leikar - konkurransar og natursti.

Program for 17.mai i Treungen

Kl. 09.00: Skramletog frå sentrum
Kl. 12.00: Diktlesing og blomenedlegging på Slitarsteinen ved Kommunehuset i Treungen.
Kl. 12.05: Folketoget går frå Kommunehuset til Omsorgssenteret
Kl. 12.30: Nissedal omsorgssenter. Blomeoverrekking og song.
Kl. 13.00: Toget kjem til skuleplassen og Fleirbrukshuset. Matservering og leikar.
Kl. 17.00: Folkefest i Fleirbrukshuset.

Program for 17. mai i Nissedal

Kl. 10.30: Gudsteneste i Nissedal kyrkje.
Kl. 11.15: Tog frå kyrkja til skulen. Hugs flagg!
Kl. 11.30: Matsal på skulen.
Kl. 12.00: Uteaktivitetar for små og store.
Kl. 14.00: Tvekamp Nordbygda/ Kyrkjebygda.
Kl. 14.30: Samling i gymsalen. Song og spel v/Sindre, underhaldning, premieutdeling.
Ord for dagen v/ ordførar Halvor Homme

Program for 17. mai på Felle:

Kl. 12.30: Gudsteneste i kapellet.
Kl. 13.30: Skramletog frå skulen
Etter toget vert det enkel kiosk - servering, leikar og lotteri på grendehuset.
Premieutdeling er ca. kl. 16.00

Velkomen til 17. mai feiring i Nissedal kommune.

Legekontoret

anne.aarak@nissedal.kommune.no (Anne Aarak) — Mon, 14 May 2012 12:15:28 GMT

Nissedal kulturskule 2012/2013

anne.aarak@nissedal.kommune.no (Anne Aarak) — Mon, 14 May 2012 06:35:47 GMT

Underteikna er ny kulturskulerektor i år og eg ser veldig fram til både å ta del i, men og vere ein del av musikk- og kulturtilbod i Nissedal kommune. Dersom det skulle vere noko så er eg å treffe på tlf. 35 04 84 93 på onsdagar (på dagtid.)

Det vil i år bli nokre små forandringar i opptaket i forhold til tidlegare år.

Dersom det blir stor etterspurnad etter song som instrument, blir det kanskje oppretta eit tilbod om barnesong/kor. Ver venleg og skriv inn (under merknad) på søknadsskjemaet om dette er noko du kan tenke deg og vere med på.

Det er både beklagelig, men og hyggeleg at vi må operere med ventelister, og dersom det også i år blir stor pågang vil det det kun bli moglegheit til å få ein plass per elev. Elevar som har gått på kulturskulen før vil bli prioritert. Vi er derimot så heldige at vi har lærarar som beherskar fleire instrument, så dersom eleven ynskjer undervisning på fleire instrument, kan ein i samarbeid med læraren få til dette innanfor den tida og plassen ein har fått tildelt.

Ved opptak vil dei eldste elevane i grunnskulen bli prioritert fyrst. Erfaringa til lærarane tilseier at visse instrument krev litt meir koordinasjon enn andre, og av den grunn så har vi satt ei grense for når vi synes at det er passande for elevane å begynne på eit instrument. Piano: 1.klasse, Gitar: 3.klasse og Trommer: 3.klasse.

Det er mange som har ein hektisk kvardag, og det er fort og gløyme, men sidan det er stor pågang av nye elevar som er ivrige etter å starte, så vil ein elev som ikkje møter til avtalt tid utan og seie ifrå, miste plassen sin dersom dette skjer 3 gonger i løpet av eit halvår. Det vil bli gitt beskjed til heimen etter 2. gongs hendelse.

Kulturskulen vil satse enda litt meir på samspel, og vi vil derfor prøve å sette saman flest moglege band. Ein ser derfor føre seg at det kan vere aktuelt at lærerane deler litt på elevane sine for å få til så mange samansetningar som råd er.

Søknadsfristen er 22..mai og skulestart i veke 34, og sjølv om ein har gått på kulturskulen før så er det viktig at ein held fristen, for elles så kan plassen din gå til ein annanJ

Vi ber om at de brukar elektronisk søknadsskjema.

Mvh

Rune Sanden - Kulturskulerektor i Nissedal kommune

Reguleringsvedtak - Vedlausfjell

gunn.strand@nissedal.kommune.no (Gunn Elisabeth Strand) — Fri, 11 May 2012 07:28:37 GMT

Plankart og planføresegner ligg til gjennomsyn ved plankontoret, 3855 TREUNGEN.

Eventuell klage til M.departementet på godkjenningsvedtaket, skal etter pbl § 1-9 sendast: Nissedal kommune v/plankontoret 3855 TREUNGEN, seinast tre veker frå kunngjeringsdato. Krav om erstatning/innløysing etter §§ 15-2 og 15-3 må setjast fram skriftleg seinast 3 år frå same dato.

Rådmannen

Til alle lag og foreiningar i kommunen

anne.aarak@nissedal.kommune.no (Anne Aarak) — Fri, 11 May 2012 07:11:08 GMT

No reknar vi med at det har vore nokon endringar rundt om i laga på styreverv. Vi ynskjer at alle lag og foreiningar går inn og sjekkar lista og gjev kommunen tilbakemelding på evt. feil og ny kontaktinformasjon.

Sjå her: lag og foreiningar

Send informasjonen til: heimeside@nissedal.kommune.no. Vi oppdaterar lista etter kvart som det kjem inn endringar.

Takk for godt samarbeid.

Mvh

Ellen Margregrethe Garn, Folkehelsekoordinator og leiar for Frivilligsentralen
Anne Margrethe Espelid, Einingsleiar for kultur

Reguleringsvedtak - Treungen sør

gunn.strand@nissedal.kommune.no (Gunn Elisabeth Strand) — Wed, 02 May 2012 08:16:45 GMT

I medhald av pbl §12-14 oppheva kommunestyret samstundes den delen av reguleringsplanen Treungen sør av 27.06.96 som har samanfallande areal med ny plan.

Plankart og planføresegner ligg til gjennomsyn ved plankontoret, 3855 TREUNGEN.

Rådmannen

Canvas hotell

anne.aarak@nissedal.kommune.no (Anne Aarak) — Thu, 26 Apr 2012 12:44:21 GMT

Først yte, så nyyyte...
Bli med på et annerledes hotell midt i skogen.

Sjå også link til Canvas hotellets heimeside
http://www.canvashotel.no/no/

Plan til offentleg ettersyn - Naurak nordre

gunn.strand@nissedal.kommune.no (Gunn Elisabeth Strand) — Tue, 24 Apr 2012 07:18:32 GMT

Planområdet, ca 40 dekar (30 da land, 10 da vatn), ligg mellom fylkesvegen til Fjone og Nisser, ca 6 km nord for Treungen. Området ligg i LNF-området grensande til avsett område for næring/turistføremål i kommuneplanen (T2). Området er detaljplanlagt med campingplass for 65 vogner, sanitær- og serviceanlegg, nærmiljøanlegg, badeområde, småbåtanlegg m.m.

Planen ligg til off. ettersyn på plankontoret, kommunehuset i tidsromet 24.04.12 – 05.06.12. Eventuelle merknader sendast: Nissedal kommune v/interkommunalt plankontor 3855 TREUNGEN innan 05.06.12.

Rådmannen

anne.aarak@nissedal.kommune.no (Anne Aarak) — Thu, 19 Apr 2012 11:22:04 GMT