Hopp til hovudinnhald Hopp til søk Hopp til bunntekst

Hægefjell (1021 moh.)

Hægefjell er ein av dei høgaste toppane i Nissedal kommune!

Norske og tyske klatrarar oppdaga dei unike fjella i Nissedal på slutten av 80-talet. Det majestetiske Hægefjell har dei siste 20 åra blitt eit av dei mest brukte klatrefjella i Noreg, med omlag 50 ulike ruter i alle vanskegradar. Ei av dei mest kjend rutene i Europa for uerfarne klatrarar finn du her: Via Lara. Langs første delen av turløypa ligg det ein del kjempestore steinar. Dei blir brukte til klatring- eller buldring, som det heiter når ein klatrar på steinar utan sikring.

Frå Treungen køyrer du til Fjone og tek til venstre inn på ein grusveg ved Fjone skule. Avkøyringa er merka med skilt til Hægefjell.
Dette er ein privat veg, så hugs å betal vegavgift på 70 kr. Følg grusvegen til du kjem til parkeringsplassen ved foten av fjellet.
Hægefjell er eit populært fjellområde både for turfolk og fjellklatrarar frå heile Europa, så du er nok ikkje aleine der.
På parkeringsplassen er det ei informasjonstavle med bl.a. kart over turen.
Følg grusvegen til fots i ca. 40 min og ta av til høgre på godt merka og skilta skogssti. Vegen vidare til toppen er bratt i starten før den flater ut innover kuperte myrområde. Siste del før toppen er også bratt stigning. Når du kjem på toppen kan du nyte utsikten over Nisser, Vrådal og fjella mot Fyresdal. 

Du må berekne ca. 2 timar gange til toppen, og i følge informasjonstavla på parkeringsplassen er turen 11 km tur/retur.
Dette er ein flott tur for heile familien som gir skikkelig høgdekjensle på toppen.
Denne turen må opplevast!!

Lengde: 11 km tur/ retur
Merking:  God
Annet: Fint for barn å sykle dei første kilometrane på grusvegen.
            Bomveg


Sjå kartplassering her.

Nissedal.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke nissedal.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk