Startlån bustad

Dersom du har etableringsproblem, kan startlånet bidra til at du kan skaffe deg ein nøktern, god heilårsbustad. Startlånet blir gjeve

• som topp- eller fullfinansiering ved kjøp av bustad
• til utbetring av noverande bustad
• til refinansiering slik at husstanden kan bli buande i noverande bustad
• til toppfinansiering ved bygging av ny bustad

Dette er meint for økonomisk vanskelegstilte, til dømes

• unge i etableringsfasen
• barnefamiliar
• einslege forsørgjarar
• funksjonshemma
• flyktningar og personar med opphaldsløyve på humanitært grunnlag

Lånet følgjer rentevilkåra i Husbanken, pluss eit påslag på 0,25%.

Busituasjonen din er ikkje tilfredsstillande. Du må kunne dokumentere kva husstanden kan betale samla og vere i stand til å betene renter og avdrag på lånet. Lånet er behovsprøvd. Dei mest vanskelegstilte skal prioriterast.

Tilbodet er utvikla i eit samarbeid mellom KS, Husbanken, Sparebankforeningen, Finansnæringens hovedorganisasjon og staten.

Søknadsskjema Husbanken

• Sjølvmelding for siste året
• Lønsslipp/trygdeutbetaling for dei to siste månadene
• Dokumentasjon på anna inntekt enn løn eller trygd
• Stadfesting på anna finansiering/eigenkapital
• Kopi av gyldig legitimasjon

Sjå elles punkt 8 i søknadsskjemaet.

NAV Nissedal, 3855 Treungen

Sist oppdatert:  27.12.2012