Hydra-Clean frå Nissedal - beste elevbedrift

Bamble ungdomsskule, 8. april 2025: Framfor eit fulltallig publikum stakk elevbedrifta Hydra-Clean EB frå Nissedal ungdomsskule av med tittelen Vestfold og Telemarks beste Elevbedrift i Fylkesmesterskapet for Elevbedrift 2025.

Dei vart også vinnar av kategorien Mindre Plast EB og kom på andre plass i kategorien Beste Grønne Entreprenører. Hydra-Clean har teke tak i eitt av dei største miljøverstingproblema, - nemleg plast i havet. Ved hjelp av KI lærer havbotnroboten deira å sortera og plukka opp søppelet, medan han lèt tang, tare og anna på havbotnen bli igjen.
Elevbedrifta har tenkt på alt, til og med korleis dei skal handtera å få lada roboten.

Eg har berre heilt rå elevar! Dei har berre gjort alt sjølv. Eg berre gav dei frie taumar til å vera kreative, uttalte ein svært stolt lærar Per Trygve Fossli Løyte, etter å ha sett elevbedriftene sine ta for seg av medaljar og pokalar.

Vinnarlaget Hydra-Clean EB frå Nissedal ungdomsskule sammen med Sparebanken Sør, Ida Zoi Salvesen (til venstre). Navn: Bjønne Bakken, Ingrid Amalie Øygarden, Hannah Falck Urdalen, Bendik Gautefall, Allan Ufs

Skulevinnarar frå 12 skular
I løpet av kalenderåret 2024 har 993 niandeklassingar i Vestfold og Telemark jobba hardt med sine idéer og berekraftige løysingsforslag. 133 av elevane som representerer dei 12 skulane har alle kvalifisert seg i høvesvis skulemeisterskap, med jury frå lokalt arbeids- og næringsliv som har kåra ein finalist som då har gått vidare til fylkesmeisterskapen.

Næringslivet stiller opp
Totalt 30 jurymedlemmer stilte opp for å juryera dei 23 elevbedriftene for både førehandsjuryering og juryering på sjølve dagen. Prosjektperioden har variert frå nokre veker på enkelte skular til heile skuleåret andre stader.
Alle elevbedrifter hadde rigga sin eigen stand der dei overbevisande fortalde jurymedlemmene om dykk forretningsidear.

Grunngivinga til juryen av Beste Elevbedrift:
Juryleiarane Ida Zoi Salvesen og Tina Stange frå Sparebanken Sør var tydeleg imponert då dei las opp grunngivinga til juryen:

«Denne elevbedrifta har utvikla ei løysing på eit tydeleg miljøproblem. Dei har gjort eit grundig forarbeid og mellom anna samarbeide med FN og marinebiologar. Presentasjonen deira av prototype og ungdomsbedrift samla sett var tydeleg prega av engasjement og eit godt samarbeid. Det er innovasjonar som dette framtida verkeleg treng».

Det vart totalt kåra vinnarar i heile 10 kategoriar med god spreiing av pallplasseringar til skular frå både Vestfold og Telemark fylke.

Praktiske og røyndomsnære skulekvardagar
Gjennom deira bedriftsperiode har niandeklassingane jobba i team med kreativitet og idéutvikling, innhenta informasjon og jobba med kritisk tenking. Dei har trena ferdigheiter og arbeida med metodar som ikkje er ein del av den vanlege skulekvardagen deira. Gjennom skuleåret har dei unge fått trena kreativitetsmuskelen parallelt med intellektuell nysgjerrigheit for det å skapa noko som skaper verdiar både for seg sjølv og andre.

– Eg blir på ein måte «soge inn» i den kreative verda til elevane, der eg både er med dei på oppturar og nedturar. Det er ei fantastisk reise å få vera med på, uttalte Vesla Karin Grobæk Lund, lærer ved Notodden ungdomsskule til Telen tidlegare i veka i samband med eit intervju av elevbedrifta JOURNEY Tales EB.

Ho bruker metoden Elevbedrift i valfaget «Innsats for andre» (IFA). Eleven Yasmine Söderholm (15) har sjølv gitt ut ei bok som handlar om å flykta frå Ukraina. Ho fekk prisen førstepris både i Beste Standopplevelse og Beste Vare eller Tjeneste, i tillegg til nemnde andreplass i Beste Elevbedrift.
-Studiar viser at eksponering mot innovasjon i løpet av barndommen har ein klar effekt på tilhugen til å bli innovatør. Det å løysa eit berekraftig samfunnsproblem som skaper verdiar både for seg sjølv og andre er realistisk læring. Dei praktiserer det dei lærer, og elevane skaper verdiar gjennom å prøva og feila. Dei må sjølv finna løysingar på problema og utfordringane dei møter undervegs, seier Ann-Iren Haugen, dagleg leiar i Ungt Entreprenørskap Vestfold og Telemark.

Totalt har Ungt Entreprenørskap levert over 233 000 elevtreff i både grunnskule, vidaregåande og høgare utdanning i 2024 og kor nær 18 000 årleg i Vestfold og Telemark.

-Jo meir elevane får bestemma sjølv, desto meir lærer dei, og dei utviklar samtidig kompetanse arbeidslivet etterspør. Snakk om Kinderegg, - avsluttar Haugen med.

Faktaboks: Ungt Entreprenørskap
UNGT ENTREPRENØRSKAP er ein ideell organisasjon som jobbar i heile landet og i heile utdanningsløpet. SMART er eit av fleire program som organisasjonen tilbyr for sjuandeklassingar. Ungt Entreprenørskap samarbeider med skulen, næringslivet og andre aktørar for å utvikla kreativiteten til barn og unge, skaparglede og tru på seg sjølv. Ungt Entreprenørskap er ein brubyggjar mellom skule og arbeidsliv. I Noreg når Ungt Entreprenørskap årleg over 200.000 elevar og studentar i samarbeid med 20 000 lærarar, og 20 000 frivillige frå arbeids- og næringsliv bidreg som rettleiarar, mentorar og jury overfor dei unge.

Ungt Entreprenørskap er organisert i fylkesorganisasjonar med nærvær i skulane rundt i heile landet. Ungt Entreprenørskap Vestfold og Telemark når rundt 15 000 – 20 000 elevtreff kvart år. Dette gjer at Ungt Entreprenørskap har ein unik posisjon for å kunna bidra positivt til trening, rekruttering og utvikling av næring i både befolkningstette område og i distrikta.

Resultatservice

Komplett resultatliste, bilete av vinnarane, grunngivingane til juryen og logoen til bedrifta finn du i linken her
Krediteres Ungt Entreprenørskap.

Kontaktpersonar:
Per Trygve Fossli Løyte, mobil 91847727, lærer for Hydra-Clean EB, Nissedal ungdomsskule

Ann-Iren Haugen, telefon 913 03 299, Daglig leier Ungt Entreprenørskap Vestfold og Telemark