Stresskurs – ta vare på deg sjølv

Kjenner du deg stressa, sliten eller i ferd med å bli utbrent? Bli med på stresskurs hos Rask Psykisk Helsehjelp. Oppstart 28. oktober..

Kurset gir deg enkle og konkrete verktøy for å handtere stress, roe ned med pust og kropp, sette grenser og prioritere aktivitetar som gir energi. Målet er å styrke evna di til å skape betre balanse i kvardagen.

Kurset går over fem samlingar med teori, refleksjon og praktiske øvingar. Mellom samlingane får du korte digitale oppgåver som hjelper deg å prøve ut verktøya i kvardagen.

Tid og stad

Tysdagane 28. oktober, 4. november, 11. november, 18. november og 25. november kl. 12.30–14.30 i lokala til Rask Psykisk Helsehjelp i Seljord (Brøløsvegen 47, 2. etasje).

Kven passar kurset for?

Kurset er for deg som er sjukemeldt for stress eller belastningsplager, eller som står i fare for å bli sjukemeldt og ynskjer å førebygge utbrentheit. Det passar òg for deg som vil lære konkrete verktøy for å få betre oversikt over eigen energi og grenser.

Kurset er ikkje tilpassa personar med alvorleg utbrentheit eller langvarig sjukdom som til dømes ME.