Rv 41 Ny Tveitsund bru, Høyring og offentleg ettersyn av forslag til plan.

Statens vegvesen legg i samsvar med plan- og bygningslova §12-10 og §3-7 forslag til detaljreguleringsplan for Rv 41 Ny Tveitsund bru i Nissedal kommune ut på høyring og offentleg ettersyn.

Planområdet omfattar ein strekning på ca. 0,9 km.

Dagens Tveitsund bru er bygd i 1918 og er ikkje dimensjonert for å handtere dagens trafikkbelastning, inkludert den høge delen tungtrafikk. I tillegg er ho for smal i høve til det som i dag blir forventa for god og trygg trafikkavvikling. Ei ny bru vil gje høve til ein trygg gang‑ og sykkelveg over den gamle brua. Elles vil prosjektet sørgje for god framkome for næringstrafikk og annan trafikk, samt redusere trafikkulykker og utslepp av klimagassar.

Planforslaget sendast på høyring/leggast ut til offentleg ettersyn i perioden 04.03.2026 – 22.04.2026.

Eventuelle merknader til planarbeidet må seinast innan 22.04.26 sendast skriftleg til: Statens vegvesen, postboks 1010 Nordre Ål, 2605 Lillehammer eller til: firmapost@vegvesen.no Merk innspelet med sak nr. 24/164674.

Har du spørsmål til planarbeidet kan du kontakte planleggingsleiar Torbjørn Holte på mobil 952 19 623 eller på e-post torbjorn.holte@vegvesen.no.

Vidare saksgang

Når merknadsfristen er ute lager Statens vegvesen ei oppsummering av merknadene som er komen inn. Planforslaget kan bli justert før planen og dei innkomne merknadane blir sendt kommunen for politisk handsaming.

Kommunen sitt vedtak kan påklagast. Ei eventuell klage sendast til kommunen. Kommunen handsamar klagesaka før den sendast til Statsforvaltaren for endeleg handsaming.

Høyring og offentleg ettersyn av forslag til plan pdf, 68 kB, åpnes i nytt vindu.
Plankart pdf, 602 kB, åpnes i nytt vindu.
Reguleringsføresegner pdf, 190 kB, åpnes i nytt vindu.
Teikningar pdf, 15 MB, åpnes i nytt vindu.
Planomtale pdf, 9 MB, åpnes i nytt vindu.