Temakafé på Brokelandsheia for kreftramma, pårørande og etterlatne

Kreftkoordinator i Nissedal kommune, Mette S. Haugsjå, har vore i kontakt med Kreftforeininga om tilbodet temakafé for kreftramma, pårørande og etterlatne.

Innbyggjarar i Nissedal kommune er velkomne til å delta på Kreftforeningens temakafé på Brokelandsheia. Temakaféen blir driven av frivillige i Kreftforeninga og er ein uformell møteplass med ein hyggeleg atmosfære. Her blir det teke opp ulike kreftrelaterte tema, og samlingane kan også innehalde kulturelle innslag. Her kan du kome innom for ein kopp kaffi, enkel servering og hyggeleg samtale med andre som har erfaringar med kreft.

Det er inga påmelding – du kan berre stikke innom. Tilbodet er gratis. Sjå programmet for våren 2026 for datoar og tema.

Velkomen!

Program våren 2026:

• 23. mars: «Rettar ved kreft», ved kreftkoordinatorane i Gjerstad, Tvedestrand og Risør, og informasjon om tilboda i Kreftforeningen ved Hanne Borgen Ottersen

• 27. april: Seneffekter etter kreftbehandling, ved Kathrine Pedersen, kommuneoverlege i Gjerstad kommune
  
  
• 18. mai: Sommaravslutning med tur til dagsturhytta

Tid: Ein måndag i månaden kl. 18.00–20.00

Stad: Frisklivssentralen på Brokelandsheia, Brokelandsheia 96, 4993 Sundebru