Hopp til hovedmenyen på siden Hopp til hovedinnholdet på siden

Utsleppsløyve

Generelt om tjenesten

Tenesteomtale

Eig du bustad, hytte, turistbedrift og liknande som ikkje er knytt til (eller kan knyttast til) offentleg avløpsanlegg, må du søkje kommunen om løyve til å sleppe ut avløpsvatn. Dersom verksemda berre slepp ut gråvatn, gjeld plikta berre dersom du har innlagt vatn. Med avløpsvatn meiner ein avløp frå vassklosett, kjøkken, bad og vaskerom. Med innlagt vatn meiner ein vatn frå vassverk, brønn og cisterneanlegg som blir ført innandørs gjennom leidning. Med gråvatn meiner ein avløp frå kjøkken, bad og vaskerom (klosettavløp ikkje inkludert).

Kriterium/vilkår

Utsleppet er mindre enn 50 pe (personekvivalentar). Standardvilkåra går elles fram av forureiningsforskrifta kap. 12. Vilkår kan òg gå fram av løyvet. Eigaren av avløpsanlegget er ansvarleg for drift og vedlikehald etter forskrifta.

Kommunen kan kontrollere at anlegget er lokalisert, bygt og drive i samsvar med vilkår som går fram av løyvet.

Pris for tenesta

Gebyr for behandling av plan- og byggesaker og utsleppssøknadar for Nissedal og Kviteseid kommune

Brosjyrer, dokumenter, kart og lignende

Mindre avløpsanlegg: www.avlop.no

aaa

Lover og retningslinjer

Sjå ureiningslova § 22 krav til utførelse av avløpsanlegg og ureiningsforskriften kapittel 12 Krav til utslipp av sanitært avløpsvann fra bolighus, hytter og lignende 

Lover

Forurensningsloven
Forvaltningsloven

Forskrifter

Forurensningsforskriften

___

Rettleiing - korleis få utført

Kommunen gjev rettleiing om vilkår, forundersøkingar og korleis du skal søkje om utsleppsløyve. Skriftleg søknad skal mellom anna innehalde desse opplysingane:

  • dokumentasjon på korleis ein skal etablere og drive utslepp
  • om utsleppet skal etablerast og drivast i samsvar med krava i kap. 12 i forureiningsforskrifta eller om det blir søkt om fritak frå krava
  • plassering av avløpsanlegg og utsleppsstad på kart
  • interesser som ein trur etableringa får følgjer for, til dømes drikkevatn

Partar og andre som saka kan få følgjer for, skal ha varsel om innhaldet i søknaden. Kopi av varselet sendast kommunen. Eventuelle fråsegner skal leggjast ved søknaden.

Skjema

Utsleppsløyve søknadsskjema

Søknaden sendes til

Interkommunalt plankontor, Treungvegen 398, 3855 Treungen.
 

Saksbehandling

Kommunen kan under søknadsbehandlinga fastsetje krav som skil seg frå kap. 12 i forskrifta eller nekte etableringa av utslepp. Når kommunen avgjer om det skal fastsetjast andre krav, skal det leggjast vekt på ureiningsulemper samanlikna med dei føremonene og ulempene som tiltaket elles vil medføre.

Saksbehandlingstid

Fullstendig søknad om utsleppsløyve som er i samsvar med krava i kap. 12 i forskrifta, skal avgjerast av kommunen innan seks veker. Dersom kommunen ikkje har avgjort saka før fristen har gått ut, kan ein rekne med at løyvet er gjeve såframt det ikkje er nokon grunn til å tru at nokon av partane vil vere misnøgde med dette. Fullstendig søknad med krav som skil seg frå forskrifta, skal avgjerast så snart som mogleg.

Klagemulighet

Du kan klage på vedtaket innan ein frist på tre veker frå du tok imot vedtaket. Klagen sender du til den instansen som har gjort vedtaket. I klagen skal du føre opp kva du ønskjer endra i vedtaket og grunngje det. Kommunen vil kunne gje deg rettleiing. Klageinstans er klagenemnda i kommunen. Før klagen blir send dit, skal den instansen i kommunen som gjorde vedtaket, vurdere om det er grunn til å endre det. Dersom vedtaket blir ståande, vil saka bli send til klagenemnda.

___

Kontaktinformasjon

Kontaktavdeling

Avdeling:Interkommunalt plankontor
Telefon:35048400
Epost:postmottak@nissedal.kommune.no
Postadresse:Nissedal kommune, Treungvegen 398, 3855 Treungen

Kontaktpersoner

Navn:Birger Heimdal
Tittel:Byggesaksbehandlar
Telefon:35 04 84 21
Epost:birger.heimdal@nissedal.kommune.no

Andre opplysningar

Oppdatert:2018-04-18 14:15
Gyldig fra2012-12-27
Gyldig til2018-12-31