Hopp til hovedmenyen på siden Hopp til hovedinnholdet på siden

Status 25.05.20:

Ingen bekrefta smitta per i dag.

Les meir her

Karakterar - rett til å klage

  • Generelt om tjenesten

    Tenesteomtale

     Du kan klage på alle karakterar som skal stå på vitnemålet. Det gjeld

    • standpunktkarakterar
    • eksamenskarakterar
    • karakterar til fag- og sveineprøver og kompetanseprøve 
    • karakter i orden og framferd
       

    Du kan òg klage på realkompetansevurdering.

     
    Frist for å klage på vedtak som gjeld eksamenskarakterar og standpunktkarakterar er ti dagar. Frist for å klage på vedtak om vurdering av den praktiske delen av fag-/sveineprøva og realkompetansevurdering er tre veker. Innafor fristen kan du krevje grunngjeving for karakterar i fag der det blir heldt munnleg eksamen, fastsett standpunktkarakterar eller karakter for praktisk eksamen. Du kan ikkje krevje grunngjeving for karakterar til skriftleg eksamen.

    Målgruppe

    • Elevar, lærlingar, privatistar og praksiskandidatar (eller den som du har gjeve skriftleg fullmakt)
    • Foreldre til umyndige elevar, lærlingar eller privatistar har sjølvstendig klagerett

    Kriterium/vilkår

    Elevar under 15 år kan ikkje klage utan skriftleg samtykke frå foreldra.

    Brosjyrer, dokumenter, kart og lignende

    aaa
  • Lover og forskrifter

    Forskrift til opplæringslova, kapittel 5 Klage på vurdering

    Forskrifter

    Forskrift til opplæringslova

    ___
  • Skjema

    Rettleiing - korleis få utført

    Klagen må vere skriftleg. Han må vere underskriven av deg som klagar eller eventuelt av den som du har gjeve fullmakt. Opplys om det vedtaket som du klagar på. Du bør grunngje klagen, men det er ikkje nødvendig om du klagar på ein skriftleg eksamenskarakter. Klagen sender du til den skulen der du er elev. Er du privatist, sender du klagen til den skulen der eksamen blei halden. Klage på fag-/sveineprøve sender du til yrkesopplæringsnemnda i fylket.

  • Saksbehandling

    Saksbehandling

    Resultatet av klagebehandlinga kan bli at karakteren blir ståande, eller at han blir sett opp eller ned. For munnleg eksamen spesielt gjeld at om du får medhald, skal karakteren annullerast, og du har rett til å gå opp til ny avgangsprøve.

    Saksbehandlingstid

    Skulen/klageinstansen har plikt til å behandle saka så snart som mogleg. Dersom det ikkje blir gjort vedtak i saka innan éin månad, skal du ha skriftleg svar om årsaka til det, med opplysningar om når du kan vente at det vil bli gjort eit vedtak.

  • Kontaktinformasjon

    Kontaktavdeling

    Avdeling:Eining for skule
    Telefon:35048400
    Epost:postmottak@nissedal.kommune.no
    Postadresse:Nissedal kommune, Treungvegen 398, 3855 Treungen
  • Andre opplysningar
    Oppdatert:
    2019-01-09 10:06
    Gyldig fra
    2012-12-24
    Gyldig til
    2019-12-31