Tenesteomtale

Kven som kan stemme

• Norske statsborgarar som er, eller har vore, registrert busett i Noreg.
• Statsborgarar i andre nordiske land som har vore registrerte busette i Noreg seinast 30. juni i valåret.
• Andre utanlandske statsborgarar som har vore registrerte busette i Noreg samanhengande dei tre siste åra før valdagen.

Korleis å stemme

Du vil få tilsendt eit valkort. På valkortet finn du informasjon om opningstider og kva vallokale du skal bruke på valdagen. Du treng ikkje valkortet for å stemme, men det går raskare for deg å stemme dersom du har det med. Hugs legitimasjon!

Gyldig legitimasjon
Du må legitimere deg når du skal stemme. Gyldig legitimasjon kan vere:

• Pass - utgått pass blir òg akseptert
• Førarkort - inkludert digitalt førarkort i app
• Bankkort med bilete
• Nasjonalt ID-KORT

Når du skal stemme:

• Ta den stemmesetelen du vil bruke.
• Gjer eventuelle endringar på stemmesetelen (sjå rettleiing på valg.no)
• Brett saman stemmesetelen med partinamnet inn og feltet for stempling ut! Då kan ingen sjå kva du stemmer. Du skal ikkje bruke konvolutt eller anna omslag fordi stemmesetelen skal stemplast.
• Gå til ein valfunksjonær og få eit stempel på utsida av stemmesetelen.
• Stemmesetelen må ha stempel for å bli godkjend. Dersom du gir stemme til fleire val (eks ved lokal- og fylkestingsval)- hugs at alle stemmesetlane må stemplast!
• Legg sjølv den stempla stemmesetelen i urna.

Kvar du kan stemme

I vallokala
Finn vallokala på nettsidene til kommunen.

Heimanfrå
Viss du på grunn av sjukdom eller anna ikkje kan stemme i eit av vallokala, kan du søkje om å stemme heimanfrå. Ta kontakt med oss i administrasjonen så hjelper vi deg vidare. 

På institusjon
Er du bebuar, tilsett eller pårørande kan du delta i førehandsstemminga på institusjon. Ta kontakt med resepsjonen på institusjonen for å vite nøyaktig tidspunkt.

aaa